काठमाडौ । अघिल्लो सातादेखि निरन्तर ओरालो लागिरहेको सेयर बजारको गिरावट मंगलबार पनि रोकिएन । मंगलबार सेयर बजार परिसूचक नेप्से ४.०९ अंकले ओरालो लागेर १५५१.०७ अंकमा झरेको छ । सोमबारको तुलनामा कारोबार रकममा पनि कमि आएको छ ।
कारोबारमा आएका जलविद्युत, उत्पादन र अन्य बाहेक सबै समूह ओरालो लागेपछि समग्र नेप्से पनि ओरालो लागेको हो ।
मंगलबार १४१ कम्पनीको ५७ करोड ९२ लाख रुपैंया बराबरको सेयर किनबेच भयो । कारोबार रकमको अघिल्लो दिनको भन्दा ६ करोड रुपैंयाले कमि हो ।
मंगलबारको सेयरबजारमा एभरेष्ट बैंकको सबैभन्दा धेरै नौ करोड रुपैंयाभन्दा बढीको कारोबार भएको छ । एभरेष्ट बैंकको ३३ प्रतिशत हकप्रद सेयर सुरक्षित गर्ने आज अन्तिम दिन भएकाले यो बैंकको उच्च कारोबार भएको हो । बैंकले हकप्रद प्रयोजनका लागि बुधबार सेयरधनी दर्ताकिताब बन्द गर्दैछ ।
प्रकाशित मितिः २०७४ असार ६
वि.सं.२०७४ असार ६ मंगलवार १६:२१ मा प्रकाशित