काठमाडौ । साताको दोस्रो दिन सामान्य उकाले लागेर सेयर बजारले आशा जगाएको थियो । त्यस्तै साताको अन्तिम कारोबार दिन बिहिबार पनि सेयर बजार परिसूचक नेप्से उकालो लागेर लगानीकर्तालार्य थप आशाको संचार गरेको छ । बिहिबार बजार परिसूचक नेप्से ४.८० अंकले बढेर १५५९.४९ अंकमा पुगेको छ ।
बिहिबार बीमा समूह ३३.७५ अंकले ओरालो लाग्नु बाहेक बाँकी सबै समूहको परिसूचकमा हरियाली छायो ।
यसदिन १३९ कम्पनीको ६७ करोड १८ लाख १९ हजार रुपैयाँ बराबरको सेयर किनबेच भयो । कारोबार रकम अघिल्लो दिनको भन्दा २१ करोडले बढी हो ।
विहीबारको सेयरबजारमा प्रभु बैंकको संस्थापक सेयर मात्रै १४ करोड बढीको कारोबार भयो । त्यस्तै एभरेष्ट बैंकको चार करोड बढीको सेयर किनबेच भयो ।
प्रकाशित मितिः २०७४ असार ८
वि.सं.२०७४ असार ८ बिहीवार १५:२५ मा प्रकाशित
