काठमाडौ। साताको अन्तिम दिन भने सेयर बजार हरियो रङ्गले पोतिएको छ। बिहिबार सूचक ५.१० अंकले बढेरे १५८९.५९ अंकमा पुगेको छ । १६०० को अंक भेटाउन अझै ११ अंकको दूरी बाँकी छ।आउँदो आइतबारको कारोबारले के भन्ने निश्चित गर्नेछ ।
बिहिबार कारोबार रकममा पनि सुधार देखिएको छ। दिनभरीमा १५१ कम्पनीको ६७ करोड ३८ लाख ६८ हजार रुपैयाँको सेयर किनबेच भएको छ। यस्तै अन्य बहेक बाँकी सबै परिसूचकहरु उकालो लागेका छन् ।
दिनभरीमा बैंकको सूचक साढे पाँच, बिमा सूचक सवा ११ अंक हाराहारीले बढेको छ। होटल करिब २०, विकास बैक साढे ११, जलविद्युत १.४४, फाइनान्स साढे ३.४१ अंकले बढेका छन्। उत्पादनमूलक सूचक ८ अंकालो लागेको छ भने अन्य सूचक करिव ३ अंकले ओरालो लागेको छ ।
बिहिबार एभरेष्ट बैंकको ६ करोड २१ लाख र स्ट्यान्डर्ड चार्टर्ड बैंकको पाँच करोड १५ लाख रुपैयाँको सेयर कारोबार भएको छ।
प्रकाशित मितिः २०७४ असार १
वि.सं.२०७४ असार १ बिहीवार १७:३८ मा प्रकाशित