काठमाण्डौं । आज साताको कारोबारको अन्तिम दिन नेप्से परिसूचक १८२३ अंकमा पुगेर सेयर बजार बन्द भएको छ । बुधबारको तुलनामा १ दशमलव ७८ अंकले झरेको बजारमा आज १ अर्ब ५० करोड बराबरको सेयर खरिद बिक्री भएकोछ ।
दिनभर बजारमा उतार चढाव देखिएको भए पनि होटल, विकास बैंक, जलविद्युत र बीमा उपसूचक बढ्न पुगेका छन् । आज बिहिबार सिद्धार्थ म्युचियल फण्डका स्किमहरुमा लगानीकर्ताको झुम्मिएका छन् । सिद्धार्थ इक्विटी ओरिएन्टेड स्किम तीन लाख ७० हजार युनिट र सिद्धार्थ इन्भोष्टमेन्ट ग्रोथ स्किम एक लाख ३१ हजार युनिट कारोबार भएको छ । यी दुबै स्किमको आज बुक क्लोजिङ थियो।
बिहिबार सर्वाधिक कमाउनेमा भने एभरेष्ट इन्स्योरेन्सका लगानीकर्ता रहे। यो कम्पनीको सेयर ६ प्रतिशत भन्दा धेरैले बढेको छ ।
२३ भदौ, २०७३, ४।३०
वि.सं.२०७३ भदौ २३ बिहीवार १६:३५ मा प्रकाशित
