काठमाडौ। दुई दिन बढेको शेयर बजार साताको अन्तिम दिन बिहीबार भने घटेको छ । नेपाल स्टक एक्सचेन्ज (नेप्से)को कारोबार मापक सूचक ९.२० अंकले घटेर १६५३.१८ अंकमा झरेको छ । क बर्गका कम्पनीहरुको कारोबार मापन गर्ने सेन्सेटिभ इन्डेक्स १.८७ अंकले घटेर ३५३.५५ अंकमा झरेको छ ।
बिहिबार उत्पादन बाहेक बाँकी सबै समूहको परिसुचक घटेको छ । नेप्से सूचकसंगै कारोबार रकम पनि घटेको छ ।बिहीबार १४४ कम्पनीका १२ लाख ९५ हजार कित्ता शेयर ७९ करोड ५९ लाख रुपैयाँमा खरिद बिक्री भएका छन् । कारोबार रकमको आधारमा नेपाल एसबिआई बैंक पहिलो भएको छ । बैंकको चार करोड ७८ लाख रुपैयाँ बराबरको शेयर किनबेच भयो। कारोबार रकमकै आधारमा प्रभु बैंक दोस्रो भएको छ ।बैंकको चार करोड रुपैयाँको शेयर खरिद बिक्री भएको हो ।
बिहीबार आठ समूहको कारोबार भएकोमा उत्पादनमुलक समूह बाहेक सबै घटेका छन्। बैंकिङ् ५.९२, होटल १२.८१, विकास बैंक १२.४४, जलबिद्युत १२.२१, फाइनान्स ५.७६, बीमा ९३.६८ र अन्य ३.७६ अंकले घटेको छ ।उत्पादन मुलक समुह भने ०.०६ अंकले बढेको छ ।
प्रकाशित मितिः २०७४ बैशाख २१
वि.सं.२०७४ वैशाख २१ बिहीवार १६:०१ मा प्रकाशित
