काठमाडौ । यो साताको नेप्से परिसूचक पहिलो दिनको तुलनामा ६.८१ अंकले घटेर अन्तिम दिन १३४७.५३ अंकमा पुगेको छ । यस साता नेपाल स्टक एक्सचेन्जमा १५६ कम्पनीहरुको कारोबार भएको छ । जस अनुसार १८५३३ कारोबारबाट दुई अर्ब ३० करोड २० लाख २३ हजार रुपैयाँ बराबरका ४५ लाख ७६ हजार दुई सय २० कित्ता सेयरहरु खरिद बिक्री भएका छन् ।
कारोबार रकम गत साताको भन्दा ५०.१५ प्रतिशत बढी हो । गत साता १५० कम्पनीहरुको कारोबार भएको थियो । जस अनुसार १५७३४ कारोबारबाट एक अर्ब ५३ करोड ३१ लाख ६४ हजार रुपैयाँ बराबरका ३३ लाख २० हजार पाँच सय १० कित्ता सेयरहरु खरिद बिक्री भएका थिए ।
‘क’ वर्गका कम्पनीहरुको कारोबार मापन गर्ने सेन्सेटिभ परिसूचक पहिलो दिनको तुलनामा १.६७ अंकले घटेर २९२.७३ अंकमा आईपुगेको छ । यस साता कारोबार रकम (२७ करोड ३९ लाख १० हजार रुपैयाँ) को आधारमा ग्लोवल आइएमइ बैंक लिमिटेड अग्रस्थानमा रहेको छ । त्यसैगरी कारोबार भएको सेयर संख्या (छ लाख ८० हजार कित्ता) को आधारमा पनि ग्लोवल आइएमइ बैंक लिमिटेड नै अग्रस्थानमा रहेको छ । त्यसैगरी कारोबार संख्या (१३४६ वटा) को आधारमा भने नेपाल क्रेडिट एण्ड कमर्स बैंक लिमिटेड अग्रस्थानमा रहेको छ ।
प्रकाशित मितिः २०७३ फागुन २८
वि.सं.२०७३ फागुन २८ शनिवार १२:४२ मा प्रकाशित