काठमाण्डौं । आज सेयर बजारमा नेप्से परिसूचक सुरुमा बढेर अन्त्यमा चार अंकले घटे पनि कारोबार अघिल्लो दिनको भन्दा झण्डै १७ करोड बढ्न पुगेकोछ । आज दिनभरमा ८२ करोड रुपैयाँको सेयर किनबेच भएकोछ ।
सोमबार नेप्से ४।२४ अंकले घटेर १३६५।११ विन्दुमा झरेको छ । कारोबारमा आएका होटल विमा बाहेक सबै समूह झरेपछि बजार नकारात्मक बनेको हो । कारोबार खुल्नासाथ निरन्तर उकालो लागेको नेप्से पहिलो आधा घण्टमा नै २४ अंक माथि पुगेको थियो । तर बन्द हुने समयसम्म आइपुग्दा चार अंक बढीले ओरालो लाग्यो ।
आज सेयर बजारमा १३६ कम्पनीको कारोबार भएको छ । आज बैंकिंग समूह ४.३८,बिकास बैंक १०.७९ ,जलविद्युत ३.९८,फाइनान्स ५.५७ र अन्यमा ६.०७ अंकको गिरावट आएको छ ।
९ फागुन २०७३, १।००
वि.सं.२०७३ फागुन ९ सोमवार १५:४९ मा प्रकाशित