काठमाण्डौं । आज सोमवार नेपाल स्टक एक्सचेन्ज नेप्से परिसूचक ६५ दशमलव ४४ अंकले ओरालो लागेको छ । आज सेयर बजार १ हजार ३ सय ९ दशमलव ७० अंकमा झरेर बन्द भएको छ ।
आज सोमबार सेयर बजारमा कारोवारमा आएका सवै समूह ओरालो लागेका छन् । सबैभन्दा बढी बिमा समूह ५ सय ४६ दशमलव ५५ अंकले घटेको छ । त्यस्तै होटल १ सय २८ दशमलव ४८, जलविद्युत ७३ र सेयर बजारमा बढी प्रभाव रहेको बैंकिङ समुह ६० दशमलव ५५ अंकले ओरालो लागेको छ ।
१ सय २३ कम्पनी कारोवारमा आएका थिए । ती कम्पनीको ११ लाख २६ हजार कित्ता सेयरबाट ५३ करोड ६५ लाखको कारोवार भएको छ । बैंक तथा वित्तीय संस्थले कर्जा व्याजदर उच्च रुपमा बढाएसँगै त्यसको असर सेयर बजारमा देखिएको विश्लेषकहरु बताउँछन् ।
सुरुबाटै बजार झरेपनि अरुण फाइनान्स, ओरेन्टल होटल, राष्ट्रिय बिमा कम्पनी, रिलायवल फाइनान्स र एक्सेल डेभलपमेन्ट बैकका लगानीकर्ताले कमाएका छन्।
१७ माघ २०७३, ३।३०
वि.सं.२०७३ माघ १७ सोमवार १५:१३ मा प्रकाशित