काठमाडौँ । साताको चौँथो दिन नेप्से ७.०२ अंकले घटेर १ हजार ५ सय २६.५१ अंकमा पुगेको छ । दिनभरिमा १५९ वटा कम्पनीको १०लाख ३१ हजार ८३२ कित्ता सेयर ४२ करोड २६ लाख ४४ हजार २ सय ४४ रुपैयाँमा कारोबार भएको छ ।
साताको तेस्रो दिन मंगलबार ३.१९ अंकले घटेर १ हजार ५ सय ३३.५३ अंकमा पुगेको थियो । दिनभरिमा १६० वटा कम्पनीको १२ लाख ४८ हजार ३७५ कित्ता सेयर ४१ करोड ८१ लाख ४० हजार २ सय ५२ रुपैयाँमा कारोबार भएको थियो ।
आज बुधबारदेखि नेप्सेमा नयाँ समूहको रुपमा माइक्रो फाइनान्स समूह थपिएको छ । उत्पादन र अन्य समूह उकालो लागेका छन् भने बैँक, होटल, विकास बैँक ,जल विद्युत ,फाइनान्स विमा र (नयाँ) माइक्रो फाइनान्स समूहहरु ओरालो लागेका छन् ।
क वर्गका परिसूचकहरुको मापन गर्ने सेन्सेटिभ इन्डेक्स पनि १.८५ अंकले घटेको छ ।
प्रकाशित मितिः२०७४ कार्तिक १४
वि.सं.२०७४ कात्तिक १५ बुधवार १५:४० मा प्रकाशित