काठमाडौ । दशैं बिदा सकिएलगतै अर्थात साताको आइतबारदेखि नै सेयर बजार निरन्तर घटिरहेको छ । आइतबार नेप्से परिसूचक १६ अंकले घटेर १८०३ मा पुगेको थियो । त्यस्तै, सोमबार १० अंकले घटेर १७९३ मा पुगेको नेप्से परिसूचक मंगलबार पनि घटेको छ । मंगलबार नेप्से परिसूचक सामान्य अंक अर्थात् ०.६३ ले घटेर १७९२.७३ अंकमा झरेको छ ।
मंगलबार परिसूचक सँगै कारोबार रकममा पनि गिरावट आएको छ । सोमबार ६३ करोड रुपैयाँको करोबार भएको बजारमा मंगलबार जम्मा ५० करोड ८६ लाख रुपैयाँको सेयर कारोबार भएको छ । लगातार कारोबार रकम घट्नुमा लगानीकर्ताहरु सेयर बजारमा प्रति निरास बन्न थालेको भनेर विष्लेषण हुन थालेको छ ।
मंगलबार ११५ कम्पनीको जम्मा ७ लाख ४ सय ५ कित्ता सेयर किनबेच भएको छ ।
मंगलबार होटल,बीमा र अन्य समूहको उपसूचकमा हरियो रंग देखिएपनि बाकी सबै समूहका उपसूचकहरु रातो अंकमा नै रहे ।
प्रकाशित मितिः २०७३ कार्तिक २
वि.सं.२०७३ कात्तिक २ मंगलवार १८:२३ मा प्रकाशित
