काठमाण्डौं । साताको कारोबारको अन्तिम दिन सेयरबजार स्थिर रहेको छ भने कारोबार रकममा सामान्य सुधार देखिएको छ । आज बिहीबार नेप्से ० दशमलव ३३ अंकले उकालो लागेर १४६२ दशमलव ५५ अंकमा अडिएको छ ।
आज १३१ कम्पनी कारोवार भएको सेयर बजारमा११ लाख १४ सय कित्ता सेयर ३३ करोड ९५ लाख रुपैयाँ बराबरमा किनबेच भएको छ । यो रकम अघिल्लो दिनको तुलनामा करिब अढाई करोडले बढी हो ।
कारोवारमा आएका अधिकांश समुहको परिसुचक सकारात्मक रहेपनि वाणिज्य बैंक र उत्पादन समूह नकारात्मक रहेपछि बजार स्थिर हुन पुग्यो । आज वाणिज्य बैंक साढे तीन अंक तथा उत्पादन समूह करिब नौ अंकले ओरालो लागेका छन् । आज सबैभन्दा धेरै बढेको बीमा समूह ५२ अंकले उकालो लागेको छ ।
६ माघ २०७३, १२।३०
वि.सं.२०७३ माघ ६ बिहीवार १५:२७ मा प्रकाशित