काठमाडौँ साताको नेप्से परिसूचक पहिलो दिनको तुलनामा ०.०१ अंकले घटेर अन्तिम दिन १५५४.५५ अंकमा पुगेको छ ।यस साता नेपाल स्टक एक्सचेन्जमा १७१ कम्पनीहरुको कारोबार भएको छ ।
जस अनुसार २५८६० कारोबारबाट दुई अर्ब ४१ करोड २१ लाख ७९ हजार रुपैयाँ बराबरका ४४ लाख ९९ हजार आठ सय १० कित्ता सेयरहरु खरिद बिक्री भएका छन् ।
कारोबार रकम गत साताको भन्दा ३२.२४ प्रतिशत कम हो । गत साता १८० कम्पनीहरुको कारोबार भएको थियो । जस अनुसार ३९०९१ कारोबारबाट तीन अर्ब ५६ करोड एक लाख २३ हजार रुपैयाँ बराबरका ७५ लाख ८४ हजार पाँच सय ९० कित्ता सेयरहरु खरिद बिक्री भएका थिए ।
‘क’ वर्गका कम्पनीहरुको कारोबार मापन गर्ने सेन्सेटिभ परिसूचक पहिलो दिनको तुलनामा ०.५२ अंकले बढेर ३२६.०१ अंकमा आईपुगेको छ ।
यस साता कारोबार रकम (१२ करोड ३१ लाख २० हजार रुपैयाँ) को आधारमा नेपाल इन्भेस्टमेन्ट बैंक लिमिटेड अग्रस्थानमा रहेको छ । त्यसैगरी कारोबार भएको सेयर संख्या (एक लाख ७५ हजार कित्ता) को आधारमा गुँरास लाइफ इन्स्योरेन्स कम्पनी लिमिटेड संस्थापक अग्रस्थानमा रहेको छ । त्यसैगरी कारोबार संख्या (२६७६ वटा) को आधारमा हिमालयन पावर पार्टनर लिमिटेड अग्रस्थानमा रहेको छ ।
प्रकाशित मितिः२०७४ भाद्र २४
वि.सं.२०७४ भदौ २४ शनिवार १६:४३ मा प्रकाशित
