काठमाडौ । साताको पहिलो दिन आईतबार नेप्से परिसूचक ११.४० अंकले घटेर १६४२.१३ अंकमा झरेको छ । यसदिन क वर्गका परिसूचकहरुको मापन गर्ने सेन्सेटिभ ईन्डेक्स पनि २.४४ अंकले घटेर ३४४.५९ अंकमा झरेको छ ।
आइृतबार फाईनान्स र उत्पादन बाहेक बाँकी सबै समूहको परिसुुचक ओरालो लागेको छ । बीमा समूहको परिसूचक सबैभन्दा धेरै १०४.३७ अंकले घटेको छ ।
आईतबार १६० कम्पनीको ७ हजार ५८१ कारोबारबाट १९ लाख ६० हजार ६११ कित्ता सेयर किनबेच हुँदा ८० करोड १८ लाख रुपैंया बराबरको कारोबार भएको छ ।
महालक्ष्मी विकास बैंकमो मूल्य आज सबैभन्दा बढि ९.५९ प्रतिशतले बढेको छ । त्यस्तै अरुण फाइनान्सको ५.९८ प्रतिशत, नेशनल हाइड्रोपावरको ५.८४ प्रतिशत, सुर्यादय लघुवित्तको ४.९७ प्रतिशत तथा गोर्खा फाइनान्सको शेयरमूल्य ४.०६ प्रतिशतले बढेका छन् ।
आईतबार ललितपुर फाइनान्स, ग्रिन डेभलपमेन्ट बैंक र हाम्रो विकास बैंकले करिब १० प्रतिशतले मूल्य गुमाएका छन् । ललितपुर फाइनान्स शेयरधनीले १० प्रतिशत, ग्रिन डेभलपमेन्ट बैंक ९.८९ प्रतिशत र हाम्रो विकास बैंकले ९.७२ प्रतिशत घाटा खाए । त्यस्तै त्यस्तै छ्याङ्दी हाइड्रोपावरले आज पनि ६.५४ प्रतिशतको मूल्य गुमायो भने सिजर्नी फाइनान्सले ६.१३ प्रतिशत मूल्य गुमाएको छ ।
प्रकाशित मितिः २०७४ साउन २९
वि.सं.२०७४ साउन २९ आइतवार १५:५६ मा प्रकाशित
