काठमाण्डौं । सेयर ब्रोकरको घटेको कमिशन सफ्टवेयरमा देखाउन नसकेपछि हिजो आइतबार बन्द भएको सेयर कारोबार आज सोमबारदेखि नियमति रुपमा खुलेकोछ । ब्रोकरहरुले सफ्टवेयरमा नयाँ कमिशन दर अपडेट गरिसकेकाले आजबाट हुने सेयर कारोबारमा नयाँ कमिशन दर लागु हुनेछ ।
अब लगानीकर्ताले अधिकतम ०.६० प्रातिशतका दरले ब्रोकर कमिशन तिर्नुपर्छ । ५० हजार रुपैयाँसम्म सेयर कारोबार गर्ने लगानीकर्ताले ०.६० प्रतिशतका दरले कमिशन तिर्नुपर्छ । त्यस्तै, ५० हजार भन्दा माथि पाँच लाखसम्मको कारोबार गर्नेले ०.५५ प्रतिशत, पाँच देखि २० लाखसम्मको कारोबार गर्नेले ०.५० प्रतिशत, २० लाख देखि एक करोड रुपैयाँसम्म कारोबार गर्नेले ०.४५ प्रतिशत र एक करोड रुपैयाँ भन्दा माथिको कारोबार गर्नेले ०.४० प्रतिशतका दरले कमिशन तिर्नु पर्ने छ ।
अर्थमन्त्रालयले गत विहीबार नयाँ कमिशन दर लागु गर्ने निर्णय गरेर धितोपत्र बोर्डलाई संसोधित नियमावली पठाएको थियो । संसोधित नियमावली अनुसार बोर्डले नेप्सेलाई कायान्वयन गर्न निर्देशन दिएको हो । सोही निर्देशन अनुसार आइतबार देखि नयाँ कमिशन दर लागु हुने नेप्सेले जनाएको थियो । तर हिजो नेप्सेमा बढेको दर लागु हुन नसकेपछि सेयर कारोबार रोकिएको थियो ।
१० साउन २०७३, ११।००
वि.सं.२०७३ साउन १० सोमवार ११:१९ मा प्रकाशित