काठमाण्डौँ । साताको पहिलो दिन आज सेयर बजारले सबैले सोचेभन्दा पृथक रुप लियो । बजार खुलेको डेढ घण्टामा नै ६६ घट्न पुगेको थियो । आधा घण्टाको लागि बन्द भएर पुनः खुलेको बजार ८० अंकले घट्यो र फेरि बिस्तारै रिकभर हुन थाल्यो ।
त्यसपछि बजार ५२ अंकले रिकभर भयो। १५७८ अंकसम्म झरेको बजार १६३० अंकसम्म पुग्यो। त्यसपछि बजार फेरि ३१ अंकले घट्यो र १५९९.६२ अंकमा बन्द भयो । सेयर बजार तिब्र रुपले घटे पनि आज १२७ कम्पनीको एक अर्ब २४ करोड ५१ लाख रुपैयाँको कारोबार भएको हो।
पहिले १२००, १५०० अंक हुँदै १८८८ अंकसम्म पुगेको बजार अहिले १५०० अंक तिर झर्नु सामान्य रहेको र यति हुँदैमा आत्तिनु नपर्ने सेयर विश्लेषकहरु बताउँछन् ।
५ मंसिर २०७३, ३।००
वि.सं.२०७३ मंसिर ५ आइतवार १५:४३ मा प्रकाशित
