काठमाण्डौं । नेरुडे लघुवित्तले फागुन ३० गतेदेखि सेयरधनी दर्ता किताब बन्द गर्ने भएको छ । कम्पनीले प्रस्ताव गरेको करसहित ११.०५ प्रतिशत नगद लाभांश, २० प्रतिशत बोनस सेयर तथा ५० प्रतिशत हकप्रदका लागि एकैदिन बुक क्लोज गर्न लागेको हो ।
चैत ३१ गते बोलाएको लघुवित्तको दशौं बार्षिक साधारणसभाले ११.०५ प्रतिशत बराबरको एक करोड ९८ लाख ९४ हजार रुपैँया नगद लाभांश समेत पारित गर्दैछ । साथै लघुवित्तले तीन करोड साठी लाख बराबरको बोनस सेयर वितरण गर्न लागेको हो भने नौ करोड रुपैयाँ बराबरको नौ लाख कित्ता हकप्रद सेयर निष्काशनका लागि सेयरधनी पुस्तिका बन्द गर्न लागेको हो ।
फागुन २९ गतेसम्म सेयर किनेका लगानीकर्ताले मात्र लघुवित्तको नगद लाभांश, बोनस तथा हकप्रद प्राप्त गर्न सक्नेछन् ।
२० फागुन २०७३, ११।००
वि.सं.२०७३ फागुन २० शुक्रवार १०:५१ मा प्रकाशित
