काठमाण्डौं । आज बुधबार सेयर बजारमा विभिन्न तीन कम्पनीको तीस लाख कित्ता भन्दा बढी बोनश सेयर सूचिकृत भएको छ भने दुई कम्पनीको संस्थापक सेयर साधारणमा रुपान्तरण भएको छ । त्यस्तै ओम डेभलपेमन्ट बैंकको आजैदेखि कारोबार खुलेको नेप्सेले जनाएको छ ।
नेप्सेका अनुसार बुधबार मुक्तीनाथ विकास बैंक, कन्काई विकास तथा त्रिवेणी विकास बैंकको बोनश सेयर सूचिकृत भएको हो । नेप्सेमा मुक्तीनाथको १९ लाख ८४ हजार ७७ कित्ता, कन्काईको २ लाख ५० हजार तथा त्रिवेणीको ७ लाख ९९ हजार २ सय ९२ कित्ता बोनश सेयर थपिएको हो ।
यस्तै, कामना विकास बैंकको २२ लाख १७ हजार ७७२ कित्ता संस्थापक सेयर साधारणमा रुपान्तरण भएको छ भने मनास्लु विकास बैंकको पनि ३ लाख ४८ हजार ७०६ कित्ता संस्थापक सेयर साधारणमा रुपान्तरण भएको छ । यो सँगै दुवै बैंकमा संस्थापक र सर्वसाधारणको सेयर स्वामित्व ५१ स् ४९ प्रतिशत भएको छ ।
त्यसैगरी, सिटी डेभलपमेन्ट बैंक र ओम फाइनान्स गाभिएर बनेको ओम डेभलपमेन्ट बैंकको सेयर कारोबार आजैदेखि खुलेको छ । यसको औसतमूल्य प्रतिकित्ता २६६ रुपैयाँ तोकिएको नेप्सेले जनाएको छ ।
२६ जेठ २०७३, १०.००
वि.सं.२०७३ जेठ २६ बुधवार १२:५६ मा प्रकाशित
