काठमाण्डौं । आइपीओ (साधारण सेयर) निष्कासन गर्न अनुमति माग्दै नेपाल धितोपत्र बोर्डमा यतिबेला १४ वटा कम्पनीले आवेदन दिएका छन् । धितोपत्र बोर्डमा यतिबेला ८५ करोड ९३ लाख ३६ हजार रूपैयाँको आइपीओ पाइपलाइनमा छ ।
आइपीओ ल्याउन अनुमति माग्नेमा युनाइटेड मोदी हाइड्रोपावर, स्वदेशी लघुवित्त वित्तीय संस्था, माहुली सामुदायिक लघुवित्त वित्तीय संस्था, सिनर्जी पावर डेभलपमेन्ट बैंक छन् । यसैगरी, फरवार्ड कम्युनिटी माइक्रोफाइनान्स वित्तीय संस्था, नेपाल एसबीआई बैंकले पनि सेयर निष्कासन गर्ने तयारी गरेका छन् । एसबीआई बैंकले भने प्रिमियम भाउमा एफपीओ ल्याउन लागेको हो ।
नेपाल लाइफ इन्सुरेन्सले पनि एफपीओ ल्याउन अनुमति मागेको छ । यसबाहेक समता माइक्रोफाइनान्स वित्तीय संस्थाले पनि सर्वसाधारणमा आइपीओ ल्याउने तयारी गरेको छ ।
हिमालय पावर पार्टनर, आँखुखोला, छ्याङदी, मेइलुङ खोला, गज्र्याङ उपत्यका, राधि विद्युतलगायतका हाइड्रोपावर कम्पनीले स्थानीयबासिन्दामा सेयर निष्कासन गर्ने तयारी गरेका हुन् ।
२४ मंसिर २०७३, ११।००
वि.सं.२०७३ मंसिर २४ शुक्रवार १८:०६ मा प्रकाशित
