काठमाण्डौं । एन आइ सी एशिया बैंकले चार बराबर एक (४ः१) अर्थात पच्चिस प्रतिशत हकप्रद शेयर निष्काशन गरेको छ । बैंकको एक सय कित्ता सेयर हुनेले २५ कित्ता शेयरका लागि आवेदन दिन सक्नेछन् ।बैंकको हकप्रद शेयरका लागि आगामी असार १५ गतेसम्म आवेदन दिन पाईनेछ ।
बैकले प्रतिशेयर एक सय रुपैयाँ अंकित दरका ९२ लाख ३७ हजार ५ सय ४० कित्ता हकप्रद निष्काशन गरेको छ । बैंकले हकप्रद शेयर निष्काशनका लागि यहि बैशाख ३१ गते शेयरधनी दर्ता पुस्तीका बन्द गरेको थियो । वैशाख ३० गतेसम्म कायम शेयरधनीले हकप्रद शेयरमा आवेदन दिन सक्नेछन् ।
बैंकको हकप्रद शेयर खरिदका लागि एन आइ सी एशिया बैंकका सम्पुर्ण शाखा कार्यालय तथा बैंकको धितोपत्र निष्काशन तथा ब्रिक्री प्रबनध सिभिल क्यापिटल मार्केट कमलादी काठामाडौ बाट आवेदन गर्न सकिने सिभिल क्यापिटलले जनाएको छ ।
बैंकले ९२ करोड ३७ लाख ५४ हजार रुपैयाँ बराबरको ९२ लाख ३७ हजार ५ सय ४० कित्ता हकप्रद जारी गरेको हो । यो हकप्रद पछि बैंकको चुक्ता पुँजी चार अर्ब ६१ करोड ८७ लाख ७९ हजार रुपैयाँ पुग्नेछ ।
बैंकले सिभिल क्यापिटललाई सेयर निष्कासन तथा बिक्री प्रबन्धक तोकेको छ । एनआइसी एशियामा सर्वसाधारण शेयर धनीको लगानी ४९ प्रतिशत र सस्थापक समूहको लगानी ५१ प्रतिशत छ ।
१४ जेठ २०७३, १०।००
वि.सं.२०७३ जेठ १४ शुक्रवार १२:१५ मा प्रकाशित
