काठमाण्डौं । एनआईसी एशिया बैंकले सामुहिक लगानी कोषका ईकाई तथा नेशनल लाईफको संस्थापक सेयर लिलामी अन्ततः रद्ध गरेको छ । एनआईसी एशिया बैंकले सार्वजनिक सूचना प्रकाशन गरी बिशेष कारणबश लिलाम प्रक्रिया रद्ध गरिएको र यसबाट पर्न गएको असुबिधाप्रति क्षमा मागेको छ । बैंकलाई बोर्ड तथा नेप्सेले लिलाम गर्नुको कारण बारे स्पष्टिकरण सोधेको थियो ।
हिजै मात्र एनआईसी एशिया बैंकले लिलाममा आएको मध्ये लक्ष्मी भ्यालु फण्ड १ को दुई लाख ४३ हजार ५१ ईकाई, एनाआईबीएल सम्बृद्धि फण्ड १ को ५८ लाख ४६ हजार ८१०, एनएमबी सुलभ इृन्भेष्टमेन्ट फण्ड १ को ३५ लाख २० हजार ६१९, , सिद्धार्थ ईन्भेष्टमेन्ट ग्रोथ १ को दुई लाख ४८ हजार २००, सिद्धार्थ ईक्विटी ओरेन्टेड स्किमको ५६ लाख ७५ हजार ६०७, ग्लोबल आईएमई समुन्नत स्किम १ को ३७ लाख ६७ हजार २६८, एनएमबी हाईब्रिड फण्ड १ को १२ लाख ६१ हजार ९०१ र नबिल इक्विटी फण्डको ८ लाख ६८ हजार ४ ईकाई र नेशनल लाईफको हिस्सा रहेको ६५ हजार कित्ता संस्थापक सेयर पनि बिक्रीमा राखेको थियो ।
२७ माघ २०७३, ११।००
वि.सं.२०७३ माघ २७ बिहीवार ११:५४ मा प्रकाशित