भक्तपुर। भक्तपुर निर्माण व्यवसायी संघको छैटौँ जिल्ला अधिवेशनले अध्यक्षमा निरञ्जन बजगाईलाई निर्वाचित गरको छ ।
संघको वरिष्ठ उपाध्यक्षमा शिव शिल्पकार, प्रथम उपाध्यक्षमा रत्न सुवाल, द्वितीय उपाध्यक्षमा लव गिरी, महासचिवमा विजय देउजा, उपमहासचिवमारामकृष्ण प्रधानाङ्ग, कोषाध्यक्षमा किरण खत्री र सहकोषाध्यक्षमा अशोक भँडेल निर्वाचित भएका छन् ।
त्यसैगरी सदस्यमा हरिशरण बास्तोला, साधुराम दाहाल, सोमप्रसाद प्रधान, रामजकुमार खड्का, श्यामकाजी थापा श्रेष्ठ र गीता न्यौपाने निर्वाचित भएका छन् ।
कूल १७ जना पदाधिकारी रहने संघको कार्यसमितिमा दुई मनोनित र एक जना निवर्तमान् अध्यक्ष पदेन सदस्य रहने व्यवस्था छ ।
नवनिर्वाचित अध्यक्ष बजगाईंले संघलाई व्यवस्थित बनाउँदै निर्माण व्यवसायीको हक, हितको पक्षमा वकालत गर्ने र प्राविधिक सीप विकासमा जोड दिने बताएका छन् ।
प्रकाशित मितिः २०७३ भदौ १९
वि.सं.२०७३ भदौ १९ आइतवार १५:३६ मा प्रकाशित
