काठमाडौ । नेपाल पर्वतारोहण संघ(एनएमए)को आसन्न निर्वाचन आगामि साउन २१ गते हुन गईरहेको छ । यस सन्दर्भमा यतिबेला लाखौं खर्चेर भोट किन्ने र अनावश्यक तडक भडक र महंगा भोज, पार्टीहरु भईरहेको भनेर सर्वत्र निन्दाको स्वर गुञ्जिन थालेको छ ।
यसै सन्दर्भमा पर्यटन क्षेत्रका चार मजदुर संगठनले पर्यटन क्षेत्रमा बिगतमा झै आसन्न एनएमएको चुनावी सन्दर्भमा भईरहेको गलत कदमप्रती खबरदारी गरेको छ । असार १५ गते बसेको चार मजदुर संगठनको बैठकले निर्वाचनको सन्दर्भमा पर्यटन क्षेत्रमा विभिन्न प्यानलबाट गरिने पार्टी, भोजभतेर र अनावश्यक तडक भडक र महंगो मदिरा(जाँडरक्सी) लगायतमा हुने गरेको खर्चप्रति गम्भिर ध्यानाकर्षण भएको जनाएको छ ।
पर्यटन क्षेत्रलाई जुरुक्कै उठाउने मजदुरको जीवनस्तर प्रति चासो नराख्ने तर अनानवश्यक फजुल खर्च गरेर संघ संस्थामा हाली मुहाली गर्ने प्रवृति प्रति पनि ४ मजदुर संगठनले घोर बिरोध गरेको विज्ञप्तीमा उल्लेख गरेको छ ।
मजदुरको शान्तिपूर्ण स्वरलाई वेवास्ता गरिए र जाँडरक्सी खुवाउनेबिरुद्ध अख्तियारमा मुद्धा हाल्ने र कम्पनि नै बन्द गराईदिने उनीहरुको चेतावनी रहेको छ ।
प्रकाशित मितिः २०७४ साउन १५
वि.सं.२०७४ साउन १५ आइतवार १२:३७ मा प्रकाशित