काठमाण्डौं । ओम डेभलपमेन्ट बैंकले प्रस्ताव गरेको लाभांश वितरण गर्न नेपाल राष्ट्र बैंकले स्वीकृति प्रदान गरेको छ । गत आर्थिक बर्षमा ३२ करोड रुपैयाँ मुनाफा कमाएको बैंकले २९.२ प्रतिशत बोनस बाड्ने प्रस्ताव गरेको थियो ।
बैंकले प्रस्ताव गरेको लाभांश आगामी साधारसभाबाट पारित भएपछि लगानीकर्तालाई वितरण गरिनेछ । हाल बैंकको एक अर्ब ५ करोड चुक्तापुँजी रहेको छ । बोनसपछि बैंकको पूँजी एक अर्ब ३६ करोड रुपैयाँ पुग्नेछ ।
राष्ट्रिय स्तरको ओम डेभलपमेन्ट बैंकको २५ वटा शाखा रहेका छन् भने नयां ६ वटा शाखा खोल्न नेपाल राष्ट्र बैंकबाट स्वीकृति पाएको छ । ओम डेभलपमेन्ट बैंकले चालु आर्थिक वर्षको पहिलो त्रैमासमा ३ करोड ३२ लाख रुपैयाँ खुँद नाफा गरेको छ । बैंकको जगेडा कोषमा ६० करोड रुपैयाँ रहेको छ ।
पोखरामा केन्द्रीय कार्यालय रहेको ओम डेभलपमेन्ट बैंक गोर्खा जिल्लामा मुख्य कार्यालय रहेको मनास्लु बिकास बैंकसँग मर्जरको प्रक्रियामा रहेको छ । मनास्लुको चुक्ता पूँजी १८ करोड रुपैयाँ रहेको छ । मनास्लुले पनि १९ प्रतिशत बोनस प्रस्ताव गरेको छ ।
१२ मंसिर २०७३, ११।००
वि.सं.२०७३ मंसिर १२ आइतवार ११:१७ मा प्रकाशित