काठमाडौ । नेपाल राष्ट्र बैंकले बिहिबार सार्वजनिक आगामि आर्थिक वर्ष २०७३/०७४ को मौद्रिक नीति सार्वजनिक गरेको छ । विज्ञहरुले भने यसलाई फरक फरक ढंगले लिएका छन् । कसैले यसलाई सन्तुलित रुपमा हेरेका छन् भने कसैले महत्वकाँक्षी भएको प्रतिक्रिया दिएका छन् ।
हेरौं कसले के भने ?
ब्याजदर करिडोर निर्धारण राम्रो सुरुवात
उपेन्द्र पौडेल, अध्यक्ष, नेपाल बैंकर्स एसोसियसन
मैले पहिलेपनि भनिरहेको थिएं । तरलतालाई राम्रो सँग व्यवस्थापन गर्न सकेनौं । तरलता एकदमै स्विङ भईराखेको छ । कहिले बढि हुने, कलि तल झर्ने हुन्छ । त्यसले गर्दा बैंकहरुलाई संचालन गर्न गाह्रो भइरहेको थियो । मौद्रिक नीतिले ब्याजदर करिडोर जुन निर्धारण गरेको छ, यो राम्रो सुरुवात हो । अहिलेको अवस्थामा सि आर आर लाई कहिन कहिँ बढाउनुपर्छ भन्ने सुन्नमा आईरहेको थियो । राष्ट्र बैंकले सि आर आर लाई यथावत राख्नुपर्छ भन्ने जुन निर्णय लियो यो सकारात्मक पक्ष हो ।
अर्काे डिप्राइभ सेक्टरमा जुन लगानी भईरहेको छ, यसलाई रिभ्यू गर्छांै र त्यसपछि मात्रै डिप्राइभ सेक्टरमा लगानी विस्तार गर्ने त्यो संकेत पाईरहेको छु । लघुवित्तको लाईसेन्स यथावत राख्ने विस्तृत अध्ययन गर्ने त्यसपछि मात्रै अगाडि बढ्छौं । त्यो गर्नु जरुरी पनि थियो ।
मुद्रास्फिति साँढे ७ प्रतिशत राख्ने कुरा महत्वकाँक्षी
डा. रेवतबहादुर कार्की, अध्यक्ष नेपाल धितोपत्र बोर्ड
सरसर्ती हेर्दाखेरी बजेटसँग तादम्य गरेर मौद्रिक नीति आएको देखिएको छ । बजेटमा मुद्रास्फिती ७.५ भनिएको छ । जुनकुरा योजना आयोगले तोकेको सिमाभन्दा बढिको बजेटको हिसाबले साँढे ७ मा मुद्रास्फिती राख्नेकुरा साह्रै गाह्रो विषय हो । राष्ट्र बैंकले पनि त्यसैलाई निरन्तरता दियो जुन ज्यादै महत्वकाँक्षी छ । त्यो सम्भवै हुँदैन ।
त्यस्तै अरु केहि कुरालाई अहिलेको हिसाबले कसिलो मौद्रिक नीति ल्याउनुपर्नेमा त्यस्तो छैन । तापनि सन्तुलित नै नै मान्नुपर्छ ।
तीन /तीन महिनामा रिभ्यु हुने कुरा सकारात्मक
कमलेशकुमार अग्रवाल, महासचिव, नेपाल चेम्बर अफ कमर्स
यो एक हिसाबले सन्तुलित रुपमै आएको छ । वर्तमान आर्थिक अवस्थाले हेर्दा तुरुन्तै प्रतिक्रिया गर्नुपर्ने केहि देखिन्न । सरसर्तीरुपमा हेर्दा यसलाई राम्रै मौद्रिक नीतिको रुपमा लिएको छु ।
सबभन्दा राम्रो पाटो के भने हरेक तीन÷तीन महिनामा यसको समिक्षा हुने भएकाले यदि तीन महिनामा कुनै त्यस्तो आर्थिक परिस्थितिले आवश्यक मौद्रिक टुल्सको माग गर्यो भने ३/३ महिनामा यो रिभ्यु हुने भएकाले पनि यसलाई सन्तुलित र सकारात्मकरुपमा नै लिएका छौं ।
प्रकाशित मिति ः २०७३ असार ३०
वि.सं.२०७३ असार ३० बिहीवार १७:५१ मा प्रकाशित
