काठमाडौ । ओरियण्टल होटलले आगामी कार्तिक २३ गते २०औं बार्षिक साभारणसभा डाकेको छ। साधारणसभामा सञ्चालक समितिले प्रस्ताव गरेको १८ प्रतिशत बोनस शेयर दिने प्रस्ताव पारित गरिने भएको छ। त्यस्तै होटलले कर प्रयोजनका लागि ६.२१ प्रतिशत नगद लाभांश दिने प्रस्ताव पनि पारित गर्नेछ।
होटलको सञ्चालक समितिले प्रस्ताव गरे बमोजिम संस्थापक शेयरधनीको हिस्सा ५५ प्रतिशत र सर्वसाधारण शेयरधनीको हिस्सा ४५ प्रतिशत गराउन एफपीओ जारी गर्ने भएको छ। एफपीओ जारी गर्ने यो प्रस्तावलार्इ पनि साधारणसभाबाट पारित गराईने भएको छ ।
साधारणसभा प्रयोजनका लागि कार्तिक ९ देखि २३ गतेसम्म होटलको बुक क्लोज हुने छ। यसआधारमा कात्तिक ८ गते आजसम्म कायम सेयरधनीले मात्र होटलले दिने लाभांश पाउनेछन् ।
होटलको धितोपत्र निष्काशन तथा बिक्री प्रबन्धकको काम एनआर्इविएल क्यापिटलले गर्नेछ ।
प्रकाशित मितिः२०७४ कार्तिक ८
वि.सं.२०७४ कात्तिक ८ बुधवार १२:०३ मा प्रकाशित
