Your service title

Give us a brief description of the service that you are promoting. Try keep it short so that it is easy for people to scan your page.

सोमबार, मंसिर ४ , २०७४  |  
Monday, November 20, 2017

एमबीबीएस परीक्षामा चिट चोरीमा संलग्न चिकित्सक पक्राउ

November 6, 2017

banking-Jel

काठमाडौं । त्रिभुवन विश्वविद्यालयको चिकित्साशास्त्र अध्ययन संस्थान (आइओएम) को एमबिबिएस प्रवेश परीक्षामा चिट चोराउने थप दुईजना पक्राउ परेका छन् । प्रहरीले चिकित्सक सुशील मण्डल र कन्सलटेन्सी सञ्चालक अभय मिश्रलाई पक्राउ गरेको हो ।

मण्डल डिभाइसमार्फत प्रवेश परीक्षाको उत्तर तयार पार्ने व्यक्ति हुन् । आइओएमबाटै उनले एमबिबिएस अध्ययन गरेका हुन् । कुनै अस्पतालमा पनि काम नगर्ने उनले एमबिबिएसको परीक्षामा चलखेल गर्दै आएका थिए ।

त्यस्तै, मिश्र पुतलीसडकस्थित एडुमार्क कन्सलटेन्सीका सञ्चालक हुन् । उनी प्रवेशपत्रमा फोटो परिवर्तन गराउने व्यक्ति हुन् । किर्ते मुद्दामा कारबाही गरेपछि उनलाई डिभाइसमार्फत समेत चिट चोरी मुद्दामा प्रहरीले कारबाही अघि बढाएको छ । प्रहरीले २८ असोजमा चिट चोर्ने विद्यार्थी तथा चोराउने गिरोहलाई पक्राउ गरेको थियो । सोही घटनाको अनुसन्धानका क्रममा थप दुईजना पक्राउ परेका हुन् । घटनामा संलग्न अझै केही व्यक्ति फरार रहेको प्रहरीले जनाएको छ ।

संगठित अपराध मुद्दा

गिरोहका नाइके समीरकुमार झालगायत अभियुक्तविरुद्ध प्रहरीले साइबर अपराध मुद्दामा अनुसन्धान गर्दै आएको थियो । आइतबारदेखि प्रहरीले उनीहरूविरुद्ध संगठित अपराध मुद्दा पनि लगाएको छ । संगठित अपराध मुद्दामा जिल्ला अदालतबाट थुनामा राख्द म्याद लिइएको काठमाडौं परिसरका डिएसपी बेलबहादुर पाण्डेले बताए । संगठित रूपमा गम्भीर किमिसको अपराध भएकाले आफूहरूले संगठित मुद्दा लगाएको उनको भनाइ थियो । संगठित अपराध मुद्दामा प्रहरीले ६० दिनसम्म अभियुक्तलाई थुनामा राखेर अनुसन्धान गर्न पाउँछ, साथै सजाय पनि ५० प्रतिशत थप हुन्छ ।

गिरोहका नाइके झासहित शैलेन्द्रकुमार झा, देवेश झा, नवराज निरौला, आशुतोष झा, हिरेन्द्र शर्मा, मुकेश राय, डा। सुशील मण्डल, अभय मिश्र, विशदेव र सौभरकुमारविरुद्ध विद्युतीय कारोबार ऐनका साथै संगठित अपराध मुद्दामा पनि कारबाही अघि बढाइएको हो ।

विद्यार्थीलाई पनि मुद्दा

चिट चोर्ने विद्यार्थीलाई प्रहरीले पीडित बनाएर छाडेको थियो । तर, सरकारी वकिल कार्यालयले उनीहरूलाई पनि प्रतिवादी बनाएको छ । सरकारी वकिल कार्यालयको निर्देशनपछि विद्यार्थीहरू राहुल झा, शिखा झा, महेन्द्र ठाकुरलाई प्रहरीले हिरासतमा राखी अनुसन्धान अघि बढाएको छ । पक्राउ परेर छुटेका विद्यार्थी सक्षमराज भण्डारी भने फरार छन् ।

चिट चोरेकै आधारमा विद्यार्थीलाई समेत थुनामा राखेर मुद्दा चलाएकामा अभिभावकहरू रुष्ट बनेका छन् । उनीहरूले पाँच लाख रुपैयाँसम्म बुझाएर सिमकार्ड लाग्ने गोप्य डिभाइसमार्फत चिट चोरेका थिए । चिट चोरीमा संलग्न भारतीय विद्यार्थीहरू भने फरार छन् । भारतीय विद्यार्थीहरूसँग सो गिरोहले १२ लाख भारुसम्म लिने गरेका थिए । एमबिबिएस पढ्न ५० लाख रुपैयाँसम्म लाग्ने भएकाले शतप्रतिशत उत्तर मिलाएर छात्रवृत्तिमा नाम निकालिदिने ग्यारेन्टी दिँदै उनीहरूले पैसा लिने गरेका थिए ।

चिट चोरेको पुष्टि, नतिजा अन्योलमा

करिब चार सातापछि प्रहरीले एमबिबिएस प्रवेश परीक्षामा चिट चोरी गरिएको पुष्टि भएको जनाएको छ । प्रहरीले आइतबार आइओएमलाई त्यससम्बन्धी प्रतिवेदन दिएको छ । जसमा पक्राउ परेकामध्ये केही विद्यार्थीले चिट चोरेको पुष्टि भएको छ । उनीहरूले अन्य विद्यार्थीहरूलाई पनि चिट चोराएको प्रहरी आशंका छ । पक्राउ परेका व्यक्तिहरूबाट प्रश्न–उत्तरको कापी र विद्यार्थीहरूले दिएको उत्तर ठ्याक्कै मिलेको छ ।नयाँपत्रिका दैनिकबाट

प्रकाशित मितिः२०७४ कार्तिक २०

यसमा तपाइको बिचार

इमेल गोप्य राखिनेछ



सम्बन्धित शीर्षकहरु