परमाणु हतियार प्रतिबन्ध लगाउने विश्व सन्धिमा ४० भन्दा बढी देशका प्रतिनिधिहरुले हस्ताक्षर गरेका छन् । संयुक्त राष्ट्रसंघको मुख्यालयमा उनीहरुले सो सन्धिमा हस्ताक्षर गरेका हुन् ।
बुधवार भएको हस्ताक्षरपछि संयुक्त राष्ट्रका महासचिब अन्तोनिओ गुतेर्रेसलेयो सम्झौताको महत्वलाई जोड दिंदै परमाणु हतियारबाट मुक्त संसार बनाउनका लागि सार्वभौमिक उद्देश्यको लक्ष्यमा एक महत्वपूर्ण कदम हो र यस्तो हतियारले यस संसारलाई र बालबालिकाको भविष्यलाई खतरामा पार्न दिन नहुने बताए ।
४२ देशका प्रतिनिधिहरुले यस सन्धिमा हस्ताक्षर गरिसकेका छन् । यो सन्धि लागु हुनका लागि ५० भन्दा बढी देशका प्रतिनिधिहरुले हस्ताक्षर गर्नुपर्नेछ । यस सन्धि गत जुलाइको संयुक्त राष्ट्रसंघको सम्मेलनमा एक सय २२ जनाले भोट गरेपछि यसलाई अघि बढाइएको हो । यस सन्धि परमाणु हतियारसंग जोडिएको क्रियाकलाप, उत्पादन तथा परीक्षण गर्ने कुराहरुलाई निषेध गर्न सुरु गरिएको हो ।
प्रकाशित मितिः २०७४ भदौ ५
वि.सं.२०७४ असोज ५ बिहीवार १४:५५ मा प्रकाशित