काठमाण्डौं । शोक प्रस्ताव पारित गर्दै व्यवस्थापिका संसद बैठक भोलि बुधबार दिउँसो तीन बजेसम्मका लागि स्थगित गरिएको छ।
नेपाः राष्ट्रिय पार्टीका पूर्व सांसद बुद्धरत्न मानान्धरको निधनमा शोक प्रस्ताव पारित गर्दै मंगलबारको बैठक सकिएको हो। मानान्धरको सोमबार राती ललितपुरको अल्का अस्पतालमा उपचारको क्रममा निधन भएको थियो। शोक प्रस्ताव पारित भएपछि संसद बैठक अर्को कार्यसूचीमा प्रवेश नगर्ने परम्परा रहिआएको छ।
संसद बैठक विपक्ष एमालेसहितको अवरोधका कारण विगत एक महिनायता संचालन हुन सकेको छैन।सरकारले मंसिर १४ गते संसदमा संविधान संशोधन प्रस्ताव पेश गरेपछि राष्ट्रहितमा नरहेको भन्दै एमालेसहितका विपक्ष गठबन्धनले संसद बैठक अवरोध गर्दै आएका छन्।
१२ पुस २०७३, २।००
वि.सं.२०७३ पुस १२ मंगलवार १६:२० मा प्रकाशित