Your service title

Give us a brief description of the service that you are promoting. Try keep it short so that it is easy for people to scan your page.

बिहिबार, मंसिर ७ , २०७४  |  
Thursday, November 23, 2017

जग्गा कित्ताकाट गर्न सरकारले लगाएको प्रतिबन्ध हटाउन माग !

November 9, 2017

land plot jamin

पर्सा । जग्गा कित्ताकाट गर्न सरकारले लगाएको प्रतिबन्ध हटाउन पर्साका किसानले माग गरेका छन् । किसान संर्घष समिति पर्साले आज वीरगन्जमा पत्रकारसम्मेलनको आयोजना गरी यस्तो माग गरेको हो ।

नेपालमा दिनानुदिन खेतीयोग्य जग्गामा भइरहेको कृषि कार्यबाहेकको गतिविधि रोक्न सरकारले जग्गाको वर्गीकरण गर्नुका साथै भू–उपयोग नीति ल्याउनुपर्ने किसानको माग रहेको छ । गत साउन २६ गतेको मन्त्रिपरिषद् बैठकले एक वर्षमा एक पटक मात्र जग्गा कित्ताकाट गर्न पाउने गरेको निर्णय खारेज गर्न सरकारलाई संर्घष समिति पर्साका संयोजक ज्योतिलाल कलवारले आग्रह गरे । उनले सरकारले भू–उपयोग नीति निर्माण नै नगरी खाद्यसुरक्षा तथा खाद्य सम्प्रभुताको नाममा जग्गा कित्ताकाटमा लगाएको प्रतिबन्ध अव्यावहारिक भएको र यसले किसानलाई समस्यामा परेकाले चाँडोभन्दा चाँडो प्रतिबन्ध हटाउन माग गरे ।

दिनानुदिन बढ्दै गएको जनसङ्ख्याको कारण खेतीयोग्य जग्गा घडेरीमा रुपान्तरित भएकाले बढ्दो जनसङ्ख्यालाई नियन्त्रण गर्न सरकारले कानून ल्याउनुपर्ने संयोजक कलवारको भनाइ रहेको छ । सरकारले लगाएको प्रतिबन्धका कारण तराईका जिल्लामा रहेका किसानले जग्गा बिक्री गर्न नपाउँदा छोराछोरीको विवाह वा बिरामीको उचारमा समस्या भएकाले मन्त्रिपरिषद्को निर्णयलाई खारेज गरी जनतालाई राहत दिन किसानले सरकारसँग आग्रह गरेका छन् ।रासस
फाईल फोटो

प्रकाशित मितिः२०७४ कार्तिक २३

यसमा तपाइको बिचार

इमेल गोप्य राखिनेछ



सम्बन्धित शीर्षकहरु