काठमाण्डौं । पेट्रोल पम्पहरुले तेल नभएको साइनबोर्ड झुण्ड्याउन थालेपछि अनावश्यक हल्ला चिर्न आयल निगमले थानकोट डिपोबाट सोमबार ६ लाख लिटर पेट्रोल दिएको छ भने तेल नदिने पेट्रोलपम्पलाई कारवाही गरिने बताएकोछ ।
सामान्य समयमा पेट्रोलको माग तीन लाख लिटर मात्रै हो तर बजारमा अनावश्यक हल्ला फैलिएपछि निगमले दोब्बर परिमाणमा पेट्रोल दिएको हो । अहिले भारतबाट सहज रुपमा पेट्रोल आइरहेको पनि निगमले जानकारी दिएकोछ ।
दुई सातादेखि पेट्रोलियम पदार्थको माग सहज हुँदै गएको थियो । तर होलीको समयमा भारतबाट दुई दिन पेट्रोलियम पदार्थ नआउँदा निगमले केही कम परिमाण तेल वितरण गरेको थियो। यही मौकामा केही समूहले नाकाबन्दीको हल्ला फैलाएपछि एकाएक पेट्रोलको माग बढ्न पुगेको छ ।
निगमका अनुसार रक्सौंल नाकाबाट सोमबारनै २६ लाख लिटर पेट्रोलियम पदार्थ आएको छ ।
१६ चैत २०७२, ८.००
वि.सं.२०७२ चैत १६ मंगलवार १०:४८ मा प्रकाशित
