काठमाडौ । पोखरा फाइनान्सले साउन २९ देखि मात्र एफपीओको बिक्री खु्ला गर्ने भएको छ । यसअघि साउन २५ देखि बिक्री खुला गर्ने बताएको फाइनान्सले सूचना सच्चाएको हो । नयाँ सूचना अनुसार फाइनान्सको एफपीओमा छिटोमा भदौ १ र ढिलोमा भदौ ११ गतेसम्म आवेदन गर्न पाइनेछ ।
कम्पनीले प्रतिकित्ता एक सय रुपैयाँ अंकित सेयरमा १२० रुपैयाँ प्रिमियम थप गरी २ सय २० का दरले ९ लाख ८३ हजार ६ सय ८२ कित्ता एफपीओ निष्कासन गर्न लागेको हो । कम्पनीको एफपीओमा न्यूनतम १० कित्तादेखि अधिकतम ४ हजार ९०० कित्तासम्म आवेदन दिन पाइनेछ ।
फाइनान्सको सेयर बिक्री प्रबन्धकमा एनआइबीएल क्यापिटल मार्केट रहेको छ । लगानीकर्ताले आश्वा अनुमति पाएका सम्पूर्ण बैंक तथा वित्तीय संस्थाबाट आवेदन दिन पाउनेछन् ।
प्रकाशितः २०७४ साउन १९
वि.सं.२०७४ साउन १९ बिहीवार १५:३३ मा प्रकाशित