पोखरा । पोखरा उद्योग वाणिज्य संघको आगामी अधिवेशनका लागि बलराम आचार्यले कार्यसमिति सदस्य पदमा उम्मेदवारी दिने घमेष्मण्मम गरेबम छन् । पोखरा–१ वगरस्थित आचार्य फेन्सी स्टोर्सका प्रोपाईटर रहेको आचार्यले यसअघिको कार्यसमितिमा सदस्यमा रहेर कार्य गरिसकेका छन् ।
संघको विधान संसोधनमा क्रियाशिल रहेका आचार्यले व्यवसायी, उद्योगी तथा अग्रजहरुको सुझावलाई मध्यनजर गर्दै दोस्रो कार्यकालको लागि उम्मेदवारी दिने बताए । सानै उमेरदेखि सामाजिक क्षेत्रमा रुचि राख्ने आचार्यले आगामी दिनमा पनि सक्रिय रुपमा व्यवसायिक हितका लागि कार्य गर्ने प्रतिवद्धता व्यक्त गरे ।
रेडिमेड व्यवसायमा क्रियाशिल आचार्य ढिकीडाँडाँ पशुपालन तथा दुग्ध उत्पादन शहकारीको अध्यक्ष, फेन्सी तथा रेडिमेड व्यवसायी संघ पोखराका निवर्तमान महासचिव, आचार्य सेवा समाजका केन्द्रीय महासचिव, डाँफे बचत तथा ऋण सहकारी लगायतका संस्थामा आवद्ध छन् ।
संघमा आफूले सबै व्यवसायीलाई समेटेर लैजाने बताउदै आगामी महाधिवेशनमा अमुल्य मत दिएर विजयी गराउन सबैलाई आग्रह गरे ।
वि.सं.२०७३ भदौ २० सोमवार ०७:४९ मा प्रकाशित