पोखरा । पोखरा रंगशालाको फुटबल मैदानसहित प्यारापिट निर्माण गर्न विस्तृत परियोजना प्रतिवेदन (डिपिआर) निर्माणका लागि सम्झौता भएको छ।
पश्चिमाञ्चल खेलकुद विकास समितिको आयोजनामा बिहीबार भएको कार्यक्रममा युवा तथा खेलकुद मन्त्रालयका सचिव महेश प्रसाद दाहाल, समितिका अध्यक्ष खगराज पौडेल र एनडी इन्जिनियरिङका सञ्चालक निरन्जन डुम्रेबीच हस्ताक्षर भएको छ।
कम्पनीले २ महिना भित्र पोखरा रंगशालाको प्यारापिट निर्माणको डिपिआर तयार गर्ने डुर्मेले जानकारी दिए। उनले रंगशालाको माटो परीक्षण, आर्किटेक्टर, डिजाइन र लागत अनुमानको योजना बताउने बताए।
साग फुटबल पोखरा गर्ने लक्ष्यसहित खेलकुद मन्त्रालयले मैदानसहित प्यारापिट निर्माण गर्न ३५ करोड बजेट छुट्टाएको छ। डिपिआर जतिसक्यो छिटो बनाई मन्त्रालयमा पेश गरेर साग फुटबलसम्म प्यारापिट निर्माण गर्ने योजना रहेको अध्यक्ष पौडेलले स्पष्ट पारे।
२६ फागुन २०७३, ११।००
वि.सं.२०७३ फागुन २६ बिहीवार १३:३२ मा प्रकाशित