काठमाण्डौं । प्रभु इन्स्योरेन्स कम्पनीले ५० प्रतिशत हकप्रद निकाल्ने प्रयोजनका लागि चैत ६ गते आइतबारबाट सेयरधनी पुस्तीका बन्द गर्ने भएको छ । चैत ४ गते शुक्रबार र चैत ५ गते शनिबार परेकाले चैत ३ गतेसम्म सेयर किन्नेले मात्र प्रभुको हकप्रद सेयर किन्न पाउनेछन् ।
इन्स्योरेन्स कम्पनीले चुक्ता पूँजीको पचास प्रतिशत अर्थात दुई बराबर एक कित्ताको अनुपातमा १९ करोड २५ लाख सात हजार आठ सय ८१ रुपैयाँको हकप्रद निकाल्न लागेको हो ।
कम्पनीको सेयर निष्काशन तथा विक्री प्रबन्धकमा प्रभु क्यापिटल लिमिटेड रहेको छ । कम्पनीले धितोपत्र बोर्डबाट फागुन १२ गते ५० प्रतिशत हकप्रद सेयर निष्काशन गर्ने अनुमति पाइसकेको छ ।
३८ करोड ५० लाख चुक्ता पुँजी रहेको कम्पनीले चालु आर्थिक वर्षको दोस्रो त्रैमास पुस अन्त्यसम्ममा इन्सुरेन्सले दुई करोड ९२ लाख रुपैयाँ खुद नाफा कमाएर प्रति सेयर आम्दानी वार्षिक १५ रुपैयाँ १७ पैसा कायम गरेको छ ।
१ चैत २०७३, ११।००
वि.सं.२०७३ चैत १ मंगलवार ११:४५ मा प्रकाशित