Your service title

Give us a brief description of the service that you are promoting. Try keep it short so that it is easy for people to scan your page.

[aas_zone zone_id=”6984″]

[aas_zone zone_id=”6984″]

शनिबार, माघ ६ , २०७४  |  
Saturday, January 20, 2018

बन्ला त प्रदेश नं ३ को राजधानी भक्तपुर ?

December 14, 2017

bhaktapur

भक्तपुर । प्रदेश नं ३ को राजधानी भक्तपुरलाई बनाउन माग गर्दै जिल्ला समन्वय समिति भक्तपुरमा बसेको सर्वदलीय एवं सर्वपक्षीय बैठकले सरकारलाई पत्राचार गर्ने निर्णय गरेको छ ।

विभिन्न राजनीतिक दलका नेता, नवनिर्वाचित सांसद, नगरपालिकाका प्रमुख एवं सरोकारवाला सम्मिलित बैठकले सो निर्णय गरेको हो ।

भक्तपुर ३ नं प्रदेशका सबै जिल्लाको मध्य भागमा पर्ने, यहाँ आउनजान सबैलाई सहज हुने, पूर्व– पश्चिम नाकाका रुपमा रहेको र प्रदेशका लागि आवश्यक पूर्वाधार तयारी अवस्थामा रहेकाले भक्तपुरको विकल्प नभएको ठहर गरिएको हो ।

बैठकमा नवनिर्वाचित सांसद महेश बस्नेतले सरकारलाई तत्कालै भाडासमेत तिर्न नपर्ने गरी तयारी अवस्थामा रहेका यहाँका भौतिक संरचना रहेकाले भक्तपुरलाई प्रदेश राजधानी बनाउनुपर्ने बताए ।

बस्नेतले सानोथिमिमा रहेका शिक्षा मन्त्रालयका खाली हुन लागेका सबै भौतिक संरचनादेखि कृषि विकास तालीम भवन र विद्युत् प्राधिकरणको तालीम भवन समेतलाई सहजै प्रयोगमा ल्याउन सकिने भन्दै सरकारले यसतर्फ ध्यान दिनुपर्नेमा जोड दिए ।

सो अवसरमा प्रदेशसभा सदस्य शशिजंग थापाले जगातीस्थित इँटा टायल कारखानाकोे करिब २७० रोपनी जग्गा, सल्लाघारीस्थित नेपाल ट्रष्टको नाममा रहेको ९९ रोपनी जग्गा, गठ्ठाघरस्थित हवाई विभागको करिब ३५० रोपनी जग्गा र नीलबाराहीमा रहेको ७०० रोपनी जग्गासमेत यहाँ रहेकाले थप पूर्वाधार आवश्यक परेमा निर्माण गर्न सकिने भन्दै सरकारले भक्तपुरलाई प्रदेश राजधानीका लागि रोज्नुपर्ने बताए ।

कार्यक्रममा नेपाली काँग्रेसका प्रतिनिधि राजाराम खड्का, माओवादी केन्द्रका देवेन्द्र श्रेष्ठलगायत सूर्यविनायक नगरपालिकाका प्रमुख वासुदेव थापा, चाँगुनारायण नगरपालिकाका प्रमुख सोमप्रसाद मिश्र, मध्यपुरथिमि नगरपालिकाका प्रमुख मदनसुन्दर श्रेष्ठ लगायतले पनि हरेक दृष्टिकोणले प्रदेश राजधानी बनाउन भक्तपुरको विकल्प नभएको बताए ।

कार्यक्रममा जिल्ला समन्वय समितिका प्रमुख निवराज गेलाल, प्रमुख जिल्ला अधिकारी द्रोण पोख्रेलले सहमति भएका विषयलाई आजै सरकारसमक्ष प्रस्तावका रुपमा पु¥याउने बताए ।

प्रकाशित मिति ः २८ मंसिर २०७४

यसमा तपाइको बिचार

इमेल गोप्य राखिनेछ



सम्बन्धित शीर्षकहरु