रौतहट । लगातारको वर्षाका कारण जलमग्न बनेको रौतहटमा गाडी डुबेर गर्भवती महिला सहित ६ जनाको मृत्यु भएको छ ।
प्रसुतीका लागि लौकाहाबाट राजपुर अस्पतालमा जाँँदै गरेको जीप बाढीले बाटो कटान गरेको जानकारी नहुँदा डुबेको हो । राजपुर अस्पताल भन्दा सय मिटर पर बिहान ३ बजेतिर भारतीय नम्बरको जीप डुब्दा गर्भवती महिलासहित ६ जनाको मृत्यु भएको प्रहरी उपरिक्षक यज्ञ विनोद पोखरेलले बताए ।
मृत्यु हुनेमा चार पुरुष र दुई महिला छन् । जीपका चालक र अर्का एक व्यक्तिले भने ज्यान बचाउन सफल भएका छन् ।
प्रकाशित मितिः२०७४ साउन २९
वि.सं.२०७४ साउन २९ आइतवार १३:२५ मा प्रकाशित
