धादिङ । प्रेस चौतारी नेपाल धादिङको अध्यक्षमा सरोज पौडेल सर्वसम्मत चयन भएका छन् । प्रेस चौतारी नेपालको १९ औं स्थापना दिवसको अवसर पारेर शनिबार धादिङबवेसीमा सम्पन्न भएको जिल्ला भेलाले पौडेलको अध्यक्षतामा ११ सदस्यिय जिल्ला कार्य समिति सर्वसम्मत चयन गरेको हो ।
कार्यवाहक अध्यक्ष प्रकाश सापकोटाको अध्यक्षतामा सम्पन्न स्थापना दिवस तथा जिल्ला भेलाले समितिको उपाध्यक्षमा सानुबाबु तिमिल्सिना, सचिवमा शंकर श्रेष्ठ, सह सचिवमा श्रीहजुर सिलवाल, कोषाध्यक्षमा सिर्जना खनाललाई चयन गरेको छ।
यसै गरी भेलाले सदस्यहरुमा रामकुमार थापा, आशिष ठकुरी, राजाराम डंगोल, राज ढुंगाना, अर्जुन श्रेष्ठ र सिर्जना खनाललाई चयन गरेको छ । नेकपा एमालेका केन्द्रिय सदस्य खिमलाल भट्टराईको प्रमुख आतिथ्यतामा कार्यक्रम सम्पन्न भएको थियो ।
प्रकाशित मितिः २०७३ माघ २२
वि.सं.२०७३ माघ २२ शनिवार २०:२७ मा प्रकाशित
