काठमाडौं । प्रेस चौतारी नेपालबाट वरिष्ठ पत्रकार तीर्थ कोइरालाले नेपाल पत्रकार महासंघको अध्यक्ष पदमा उम्मेदवारी दिएका छन् । सोमबार काठमाडौंमा आयोजित कार्यक्रममा प्रेस चौतारीका अध्यक्ष गणेश बस्नेतले चौतारीका तर्फबाट कोइरालाको उम्मेदवारी घोषणा गरेका हुन् ।
कोइराला अहिले थाहा खबर अनलाइन पत्रिकाको सम्पादकहुन्् । यस अघि उनले लामो समय सम्म कान्तिपुर टेलिभिजनको समाचार प्रमुख भएर काम गरेका थिए ।
उम्मेदवारी घोषणा सभामा प्रेस चौतारीका अध्यक्ष बस्नेतले कोइरालाको जित सुनिश्चित रहेको दावी गरेका छन् । उम्मेदवारी घोषणापछि वरिष्ठ पत्रकार कोइरालाले श्रमजीवि पत्रकारको हितका लागि आफू लागि पर्ने बताएका छन् ।
प्रकाशित मितिः २०७४ साउन ३०
वि.सं.२०७४ साउन ३० सोमवार २०:०१ मा प्रकाशित