काठमाडौं । प्राइम कमर्सियल बैंकले सेयरधनीहरुलाई २७ प्रतिशत बोनस सेयर दिने भएको छ । आइतबार बसेको बैंक सञ्चालक समिति बैठकले गत आर्थिक वर्षको संचित मुनाफाबाट सेयरधनीहरुलाई २७ प्रतिशत बोनस सेयर दिने निर्णय गरेको हो ।
राष्ट्र बैंकले तोकेको न्यूनतम चुक्ता पुँजी पुर्याउन प्राइमले आकर्षक बोनस प्रस्ताव गरेको हो । २७ प्रतिशत बोनस पारित भएपछि बैंकको चुक्ता पुँजी ८ अर्ब ३ करोड ३२ लाख ९८ हजार रुपैयाँ पुग्नेछ ।
यस्तै कञ्चन डेभलपमेण्ट बैंकले गत बर्षको मुनाफाबाट १६.०३ प्रतिशत बोनस सेयर वितरण गर्ने प्रस्ताव गरेको छ । साथै बैंकले कर प्रयोजनका लागि ०.८४ प्रतिशत नगद लाभांश समेत प्रस्ताव गरेको छ ।
बैंकले प्रस्ताव गरेको लाभांश राष्ट्र बैंकको स्वीकृती पश्चात बैंकको साधारणसभाले पारित गरेपछि लगानीकर्तालाई वितरण गरिनेछ । बोनसपछि बैंकको पूँजी ५२ करोड नाघ्नेछ ।
प्रकाशित मितिः २०७४ कार्तिक २७
वि.सं.२०७४ कात्तिक २७ सोमवार १२:२७ मा प्रकाशित