काठमाडौ। प्रोग्रेशिभ फाइनान्सले सेयरधनीको लागि २८१ प्रतिशत हकप्रद निष्काशन गर्ने भएको छ । कम्पनीले अंकित मूल्य १०० रुपैयाँको दरले ५९ लाख एक हजार कित्ता अर्थात् ५९ करोड एक लाख रुपैंया बराबरको हकप्रद सेयर निष्काशन गर्ने प्रक्रिया अघि बढाएको हो ।
कम्पनीले असोज ३१ गते धितोपत्र बोर्डमा निवेदन दिएर ५९ करोड एक लाख रुपैयाँ बराबरको हकप्रद निष्काशन गर्ने अनुमति मागेको हो । कम्पनीको हकप्रद निष्काशन तथा बिक्री प्रबन्धकको काम सनराइज क्यापिटल लिमिटेडले गर्नछ ।
हाल कम्पनीको चुक्ता पुँजी २१ करोड रुपैयाँ रहेको छ । २८१ प्रतिशत हकप्रद पश्चात कम्पनीको पुँजी ८० करोड रुपैयाँ नाघ्ने छ ।
प्रकाशित मितिः २०७४ कार्तिक ७
वि.सं.२०७४ कात्तिक ७ मंगलवार ११:३९ मा प्रकाशित