काठमाण्डौं । आफ्ना सेयरधनीलाई प्रुडेन्सियल इन्स्योरेन्स कम्पनीले २० प्रतिशत बोनस वितरण गर्ने प्रस्ताव गरेको छ । कम्पनीले बोनसपछि ३० प्रतिशत हकप्रद सेयर बिक्री गर्ने प्रस्ताव समेत गरेको छ । साथै इन्स्योरेन्सले कर प्रयोजनका लागि १.०५ प्रतिशत नगद लाभांश समेत बाड्ने भएको छ ।
कम्पनीले प्रस्ताव गरेको लाभांश विमा समितिको स्वकृति पश्चात आगामी साधारणसभाले पारित गरेपछि लगानीकर्तालाई वितरण गरिनेछ । हाल कम्पनीको ३५ करोड ६४ लाख रुपैयाँ चुक्तापूँजी रहेको छ । बोनसपछि कम्पनीको पूँजी ४२ करोड ७६ लाख रुपैयाँ पुग्नेछ । त्यसपछि ३० प्रतिशत हकप्रद बिक्री गर्दा ५५ करोड रुपैयाँ नाघ्नेछ ।
६ मंसिर २०७३, ११.३०
वि.सं.२०७३ मंसिर ६ सोमवार ११:३७ मा प्रकाशित
