काठमाण्डौं । नेपाल एशोसियशन अफ र्याफ्टिङ एजेन्सिज (नारा)ले आगामी शनिबार त्रिशुली नदीमा जलयात्रा महोत्सव गर्ने भएको छ।
२८ औं वार्षिकोत्सवको अवसरमा जलयात्रा महोत्सव हुन लागेको नाराले जनाएको छ। धादिङको बेल्खुदेखि मलेखुसम्म त्रिशुली नदीमा जलयात्रा महोत्सव हुनेछ। सरकारले त्रिशुलीका अतिरिक्त कर्णाली, कालीगण्डकी, भोटेकोशी, सुनकोशी, अरुण, तमोर लगायतका विभिन्न १६ वटा नदीहरु जलयात्राका लागि खुला गरेको छ।
नाराका अध्यक्ष चन्द्रबहादुर दाहालले आन्तरिक पर्यटन प्रबद्र्धन गरी साहसिक जलयात्राका लागि नेपाल सुरक्षित भएको सन्देश दिनका लागि महोत्सव गर्न लागेको बताए।
जलयात्रा महोत्सवमा करिब ७ सय जनाले सहभागिता जनाउने नाराको अनुमान छ। उसले ३० किलोमिटर लामो जलयात्रामा सहभागी हुनका लागि २ हजार रुपैयाँ शुल्क तोकेको छ । त्यो शुल्कमा काठमाडौबाट दुई तर्फी यातायात र दिउँसोको खाना खर्च समावेश गरिएको नाराले जनाएको छ।
१० जेठ २०७३, १.००
वि.सं.२०७३ जेठ १० सोमवार १५:५९ मा प्रकाशित
