काठमाडौ । राष्ट्रिय बीमा संस्थानले कात्तिक १७ गते साधारण सभा बोलाएको छ । संस्थाले बीमा समितिले तोकेको चुक्ता पुँजी पुर्याउन सेयरधनीलाई ४२.११ प्रतिशत बोनस सेयरका साथमा कर प्रयोजनका लागि नगद लाभाँश दिने प्रस्ताव लैजाँदैछ ।
आर्थिक वर्ष २०६३/६४ सम्म कायम १२ करोड ९३ लाख रुपैयाँको आधारमा ४२.११ प्रतिशत बोनस सेयर दिने लागिएको बीमा संस्थानले जनाएको छ । संस्थानले बोनस सेयरमा लाग्ने कर तिर्न २७ लाख २२ हजार १०५ रुपैयाँ नगद लाभांस दिने प्रस्ताव पनि साधारण सभामा पेश गर्दैछ ।
साधारण सभा गर्न संस्थानले कात्तिक १ देखि १७ गतेसम्म बुक क्लोज गर्ने भएको छ । यसआधारमा असोज ३१ गतेसम्म मात्र कायम सेयरधनीले यो लाभांश प्राप्त गर्न सक्नेछन् ।
प्रकाशित मितिः २०७४ साउन २७
वि.सं.२०७४ असोज २७ शुक्रवार ११:२० मा प्रकाशित