काठमाण्डौं । राप्रपा नेपालका अध्यक्ष कमल थापाले राप्रपासँगको पार्टी एकताको अध्याय समाप्त भएको बताएका छन् । मंगलबार पत्रकार सम्मेलन गर्दै अध्यक्ष थापाले राप्रपासँग अब एकता नहुने बताएका हुन् ।
थापा नेतृत्वको राप्रपा नेपाल र पशुपति शमशेर राणा नेतृत्वको राप्रपाबीच मंगलबार राजधानीमा एकता घोषणा सभा हुने तयारी भइरहेको थियो । तर, सोमबार राणाले प्रेस विज्ञप्ति जारी गर्दै तत्काल राप्रपा नेपालसँग एकता नहुने बताएका थिए ।
राप्रपा नेपाल र राप्रपाबीच प्रचण्ड नेतृत्वको सरकारमा जाने कि नजाने भन्ने विषयमा विवाद रहेको थियो भने विवादकै बिच हिजो राप्रपाका दुई मन्त्रीलाई समेटेर प्रचण्डले मन्त्रिपरिषद विस्तार गरेका छन् ।
२५ साउन २०७३, १।४०
वि.सं.२०७३ साउन २५ मंगलवार १३:४७ मा प्रकाशित