काठमाण्डौं । चालु आर्थिक वर्षको पहिलो चौमासिकमा घरजग्गाको राजस्व लक्ष्य भन्दा १ सय ७० प्रतिशत बढी संकलन भएको छ। भूमि सुधार तथा व्यवस्थापन विभागका अनुसार यो अवधिमा ५ अर्ब ८५ करोड रुपैयाँ राजस्व संकलन भएको छ।
विभागले यो वर्ष ३ अर्ब ३७ करोड रुपैयाँ राजस्व असुलीको लक्ष्य राखेको थियो। गत वर्ष यही अवधिमा २ अर्ब ७५ करोड मात्रै राजस्व असुली भएको थियो । पछिल्लो समयमा राजधानी र राजधानीबाहिरका शहर तथा शहरउन्मुख क्षेत्रमा घरजग्गाको कारोबार उच्च छ। कारोबार बढेपछि ती क्षेत्रका जग्गाको मूल्य समेत आकासिएको छ। राजधानी बाहिर चितवन, इटहरी, भैरहवा, पोखरा लगायतका क्षेत्रको जग्गाको मूल्य बढेको छ।
१० मंसिर २०७३, १०।००
वि.सं.२०७३ मंसिर १० शुक्रवार ११:१८ मा प्रकाशित
