काठमाडौ । रिलायन्स फाइनान्सले सेयरधनीलाई ४५ प्रतिशत हकप्रद बिक्री गर्न धितोपत्र बोर्डबाट अनुमति पाएको छ । बोर्डले रिलायन्सलाई १०ः४.५ अनुपातमा १०० रुपैयाँ दरको २३ लाख ६ हजार ५७१.६० कित्ता अर्थात २३ करोड ६ लाख ५७ हजार १६० रुपैंया बराबरको हकप्रद सेयर बिक्री गर्न अनुमति दिएको हो ।
रिलायन्सको हकप्रदमा सनराइज क्यापिटलले बिक्री प्रबन्धकको काम गर्नेछ । हाल रिलायन्सको चुक्ता पुँजी ५१ करोड २५ लाख ७१ हजार रुपैयाँ छ । हकप्रद बिक्री गरिसकेपछि कम्पनीको चुक्ता पुँजी ७४ करोड ३२ लाख २८ हजार १६० रुपैयाँ पुग्नेछ ।
यता तनहुँको भानु–१ मा केन्द्रीय कार्यालय रहेको आर्थिक समृद्धि लघुवित्त संस्था लिमिटेडले २५ प्रतिशत हकप्रद सेयर जारी गर्ने भएको छ । संस्थाको पहिलो बार्षिक साधारणसभाले संस्थापक समूहलाई २५ प्रतिशत हकप्रद सेयर दिने प्रस्ताव पारित गरेको हो । कम्पनीको चुक्ता पूँजी दुई करोड ४५ लाख रुपैयाँ छ ।
साधारणसभाले मंसीर मसान्तभित्र १० शाखा संचालन गर्ने निर्णय पनि गरेको छ । संस्थाले पश्चिमाञ्चलका १० जिल्लालाई कार्यक्षेत्र अनुमति साथै संचालन अनुमति प्राप्त गरेको छ ।
प्रकाशित मितिः २०७४ असोज २९
वि.सं.२०७४ असोज २९ आइतवार १०:१८ मा प्रकाशित