काठमाण्डौं । नेपाल राष्ट्र बैंकले बुधबार जारी गरेको १० अर्ब रुपैयाँ बराबरको रिभर्स रिपोमा साढे २८ अर्ब रुपैयाँको आवेदन परेको छ । राष्ट्र बैंकको राष्ट्र ऋण व्यवस्थापन विभागका अनुसार २० वटा संथाले १ सय २६ वटा बोलकबोल गर्दै २८ अर्ब ६३ करोड रुपैयाँ बराबरको माग आवेदन दिएका हुन् ।
विभागका अनुसार बोलकबोलमा परेको बोलबाट भारित औषतमा ०.५२ प्रतिशत व्याजदर निर्धाण भएको छ । बोलकबोलमा न्यूनतम् ०.१० प्रतिशत देखि अधिकतम् ०.६८ प्रतिशतसम्म व्याजदर बोलकबोल भएको छ ।
बैंक, विकास बैंक र वित्त कम्पनीहरुले मात्रै लगानी गर्न पाउने रिपो सात दिनको अवधि अर्थात यही साउन १९ गते म्याचुअड हुनेछ ।
केन्द्रीय बैंकले बैंकिङ प्रणालीमा रहेको लगानी योग्य पुँजीको पर्याप्ता (अधिक तरलता) व्यवस्थापन गर्ने उद्देश्यले रिपो जारी गर्ने गरेको छ । राष्ट्र बैंकका अनुसार हाल बैंकिङ प्रणालीमा ३५ अर्ब ८८ करोड रुपैयाँ अधिक तरलता छ ।
प्रकाशितः २०७३ साउन १३
वि.सं.२०७३ साउन १३ बिहीवार १२:१६ मा प्रकाशित