काठमाण्डौं । सरकारले यस वर्ष किसानले उत्पादन गरेको धानको बिक्रीका लागि न्यूनतम मूल्य तोकेको छ।
मोटो धान प्रतिक्वीन्टल न्यूनतम २ हजार ७० र मध्यम खालको धानको प्रति क्वीन्टल २ हजार २ सय ३० रुपैयाँ तोकिएको कृषि विकास मन्त्रालयले जनाएकोछ । यो मूल्य बर्खे धानको लागि निर्धारण गरिएको हो ।
गत आर्थिक वर्ष ४२ लाख ९९ हजार मेट्रिक टन धान उत्पादन भएकोमा यस वर्ष ५ लाख १० हजारले वृद्धि भएर करिब ४८ लाख मेट्रिक टन फल्ने मन्त्रालयको प्रक्षेपण छ। यस वर्ष धान रोप्ने बेलामा पर्याप्त मनसुन हुनु तथा बिउ, मलको सहज वितरण भएकाले गत वर्षभन्दा उत्पादनमा वृद्धि भएको हो।
यस वर्ष करिब १४ लाख २५ हजार ३ सय ४६ हेक्टर धान उत्पादन हुने क्षेत्रमध्ये १३ लाख ७७ हजार ४२ हेक्टर जमिनमा धान रोपाइँ भएको थियो। जसमा तराई क्षेत्रमा ९७ प्रतिशत, मध्य पहाडी क्षेत्रमा ९८ र उच्च हिमाली क्षेत्रमा ९९ प्रतिशत रोपाइँ भएको थियो।
२९ कार्तिक २०७३, १२।००
वि.सं.२०७३ कात्तिक २९ सोमवार १२:५७ मा प्रकाशित
