काठमाडौ । समिट माइक्रोफाइनान्सको १०० प्रतिशत हकप्रद सेयर सुरक्षित गर्ने आज (बिहीबार) अन्तिम दिन हो । भदौ ८ गतेसम्म कायम सेयरधनीले यस कम्पनीको हकप्रद सेयरमा आवेदन दिन सक्नेछन् । समिटले शुक्रबार अर्थात् भदौ ९ देखि बुक क्लोज गर्दैछ ।
धितोपत्र बोर्डबाट समिट माइक्रोफाइनान्सले १ः१ अनुपातामा १०० रुपैयाँ दरको ७ लाख २५ हजार कित्ता हकप्रद सेयर बिक्री गर्ने अनुमति पाइसकेको छ । यसमा बिक्री प्रबन्धकको काम सानिमा क्यापिटलले गर्दैछ ।
यसैगरी सिन्धु विकास बैंकको ८० प्रतिशत हकप्रद सेयर सुरक्षित गर्ने आज बिहीबार अन्तिम दिन हो । भदौ ८ गतेसम्म कायम सेयरधनीले मात्र सिन्धुको हकप्रद सेयरमा आवेदन दिन सक्नेछन् । सिन्धुले पनि शुक्रबार अर्थात् भदौ ९ देखि बुक क्लोज गर्दैछ । पुराना सेयरधनीले भने स्वतः हकप्रद भर्न पाउनेछन् ।
सिन्धु विकास बैंकले भदौ १८ गतेदेखि ८० प्रतिशत हकप्रद सेयर बिक्री खुला हुँदैछ । यसआधारमा सिन्धुले १०ः८ अनुपातमा (प्रत्येक १० कित्ता सेयर थप ८ कित्ता) सेयर बिक्री गर्न लागेको हो । बैंकले १०० रुपैयाँ अंकित मूल्यको २० लाख ९७ हजार ५४० कित्ता सेयर बिक्री खुला गर्नेछ । असोज २२ गतेसम्म हकप्रद भर्न पाइनेछ । यस हकप्रदमा बिक्री प्रबन्धकको काम एनआइबीएल क्यापिटल मार्केट्सले गर्नेछ । हकप्रदमा एनआइबीएल क्यापिटल मार्केट्स लाजिम्पाट काठमाडौबाट आवेदन दिन सकिनेछ ।
त्यसैगरी, सिन्धु बिकास बैंकको मुख्य कार्यालय बाह्रबिसे सिन्धुपाल्चोक र यसका अधिकांस शाखा कार्यालय तथा नेपाल इन्भेष्टमेन्ट बैंकका शाखा कार्यालयहरु चिप्लेढुंगा पोखरा, विराटनगर, वीरगञ्ज, नारायणगढ, बुटवल, नेपालगञ्ज र धनगढी शाखा कार्यालयबाट पनि आवेदन दिन सकिनेछ ।
प्रकाशित मितिः २०७४ भदौ ८
वि.सं.२०७४ भदौ ८ बिहीवार १२:१४ मा प्रकाशित
