काठमाडौं । नेपाल कम्युनिटी डेभलपमेन्ट बैंकको १२० प्रतिशत हकप्रद भर्ने बुधबार अन्तिम दिन हो । बैंकको १ः१.२ अनुपातको यो हकप्रद बुधबार कार्यालय समयभित्र भरिसक्नुपर्नेछ ।
बैंकले असोज २६ देखि २६ लाख ४३ हजार ५३८.८० कित्ता बिक्री हकप्रद सेयर बिक्री खुला गरेको थियो । असोज १७ गतेसम्म कायम सेयरधनीले मात्र यसमा आवेदन दिन सक्नेछन् । यसमा बिक्री प्रबन्धकको काम एनआइबीएल क्यापिटल मार्केट्सले गरेको छ ।
एनआइबीएल क्यापिटल मार्केट्स काठमाडौं तथा नेपाल कम्युनिटी डेभलपमेन्ट बैंकको बुटवल–८ रुपन्देही तथा यसका अधिकांश शाखा कार्यालयबाट आवेदन दिन सकिनेछ । त्यसैगरी, नेपाल इन्भेष्टमेन्ट बैंकको चिप्लेढुंगा पोखरा, विराटनगर, वीरगंज, नेपालगंज, नारायणगढ तथा धनगढी शाखाबाट पनि हकप्रद सेयर भर्न सकिनेछ । हाल नेपाल कम्युनिटीको चुक्ता पुँजी २२ करोड २ लाख ९४ हजार रुपैयाँ छ । हकप्रद बिक्रीपछि भने बैंकको चुक्ता पुँजी ४८ करोड ४६ लाख ४८ हजार ७८० रुपैयाँ पुग्नेछ ।
प्रकाशित मितिः २०७४ कार्तिक २९
वि.सं.२०७४ कात्तिक २९ बुधवार १३:१३ मा प्रकाशित